玩嘢，正，反骨!

今日，

終於開完家長會啦!

成個人輕鬆咗一半，

 

之不過仲有下星期六嘅畢業典禮喎! 

過埋就可以開開心心等多幾日放暑假啦!

今日整呢個餸，
 

一定要有時間先好整呀!

因為"反骨"都好嘥時間o架!

 

 

材料: 雞翼2磅、粟粉

 

醃料: 魚露3湯匙、紹酒大半湯匙、糖1茶匙、老抽少許

做法:用剪剪開雞翼沿邊嘅肉、筋和軟骨部份，

然後捉緊雞翼骨順勢向下推，再將其中雞翼細骨折斷，

留起粗骨部份，將雞肉反轉(皮向內，肉向面)，

用醃料醃半日或隔日；炸雞翼前1小時由雪櫃取出，

燒熱油將雞翼撲少少粟粉，落鑊炸至金黃色撈起，

 

用廚紙索乾油份；以上程序可預早做定，

食飯前再將雞翼翻炸，咁就更加脆口啦!

 

 

 

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page