臘味生菜包!

母親大人知道大小魔怪鐘意食臘腸， 

所以係上星期，

佢俾咗我一包榮華臘腸；

不過，

夏天食臘腸，

好似肥咗少少喎!

加埋生菜一齊包住食，

咁就冇咁油膩啦!

材料: 臘腸3條、沙葛一個、蝦米半碗(小)、即食菜脯、生菜、

蒜蓉、薑蔥和蔥粒

調味: 半茶匙鹽

做法: 臘腸蒸熟後切粒；沙葛去皮切粒；蝦米浸軟；

不用落油爆香臘腸後盛起；原鑊落少許油爆香蒜蓉和薑蓉，

落蝦米和沙葛快炒，加半碗水焗至沙葛半透明，
 加埋臘腸和即食菜脯炒至乾身，加鹽調味，

最後加埋蔥粒炒勻，食時將臘味粒粒包埋生菜一齊食呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page