大魔怪呢兩個星期放大假，
所以佢多咗留係屋企食飯，
多咗一個人食飯，
今日煲咗老火湯~海底椰海星雪梨瑤柱煲西施骨，
煮咗兩個餸~咖哩薯仔炆排骨和金絲白菜粉絲煮蝦米。
大魔怪讚碟咖哩好食，
添咗2碗飯，
飲咗一大碗湯呀!
噚日買咗1斤幾梅頭肉，
切起部份瘦瘦哋嘅肉用嚟炒菜，
其餘帶肥嘅梅頭肉就醃咗嚟做叉燒，
叉燒要有少少肥和燶燶哋先好食架!
不過我都有切咗D燶邊呀!
見冰箱仲有條紅腸係度，
今餐決定加餸，
炒多碟蒜蓉蜜糖炒紅腸，
簡單又好味，
一家人食搶下搶下就冇哂啦!
雪櫃仲有半支鹵水汁，
今日就買咗D材料返嚟整鹵水雜錦喇!
豬肚、火雞腎、雞全翼、滷蛋，
呢D都係大家鐘意食嘅鹵水食品呀!
前日買咗排骨諗住買嚟煲粥食，
點知老公話想食飯喎!
排骨已經醃咸咗，
點算好???
所以今日買咗芥菜返嚟整咗呢個煲仔菜喇!
芥菜咸蛋蝦乾咸排骨煲，
滾埋一大鍋，
下火靚湯水，
好飲架!
老公鐘意食呢款水果青瓜，
佢話呢款青瓜好爽口，
今日就用佢嚟整青瓜雲耳炒肉片呀!
快靚正，
好快有飯食架啦!
我哋兩公婆食得好簡單，
今餐食豉汁排骨蒸茄子，
有菜有肉，
快靚正呀!
前兩日大魔怪話想飲涼茶袪濕，
真係好難想像年輕人話要飲涼茶喎!
老公拿拿臨去藥房買咗包袪濕茶$15，
今日我就買咗冬瓜嚟煲冬瓜袪濕茶喇!
將12碗水放入煲內，
加所有材料煲滾，
轉小火慢火煲45分鐘，
落1塊片糖煲多5~8分鐘便成。
噚日朝早用鹽焗雞粉醃咗隻雞，
噚晚用氣炸鍋氣炸咗半隻嚟食，
今朝早蒸埋另外果半隻雞做午餐，
兩個食法各有特色呀!
雖然我買嘅係冰鮮雞，
但食起嚟皮脆肉嫩多汁，
認真唔錯架!
不過用氣炸方法有個好處，
佢炸咋D雞油出嚟，
原來半隻雞都好多油呀!@@"
之前係元朗買咗3個西蘭花$10，
真係超級抵呀!
今次用佢嚟炒魷魚，
加咗蝦醬特別惹味呀!
