天氣開始涼涼哋，
第一時間就諗起食生炒臘味燸米飯啦!
雖然好耐冇炒糯米飯，
好彩都冇失手，
炒到粒粒分明，
唔錯啊!
上次食大閘蟹時
飲得1碗粉葛湯，
唔係好夠喉添!
所以今日自己買材料煲嚟飲呀!
天氣涼涼哋，
有碗熱湯飲真係好鬼正架!
話時話，
有冇人好似我咁鐘意食粉葛呀???
之前係百佳買嘅黃金鯧，
1包有2條$29.9，
唔貴喎!
買咗幾包返屋企，
最後食剩呢包咋!
用嚟煮紅燒黃金鯧，
送飯一流呀!
噚晚妹夫請食飯，
慶祝佢晉升為校長呀!
四時恭候，
七時入席，
恭喜恭喜!
另外，
叫咗碟羅漢齋炒麵俾大魔怪食呀!
一年一度~大閘蟹宴又嚟啦!
舊年2020年因疫情關係停辦了一次，
今年老公班舊同學又有機會出嚟聚一聚喇!
我哋總共有16人，
分咗3圍枱呀!
今年D蟹好靚好多膏，
每隻大閘蟹有成7兩半以上，
約$125隻。
我和老公都唔敢食太多，
淺嚐一下都好滿足呀!
呢餐兩個人合共食咗3隻大閘蟹，
加埋其他餸菜，
呢餐食咗$945。
話說今晚正想煮飯時，
屋苑管理員襟鐘話我哋廚房外牆水喉管漏水喎!
吓，
唔係掛我哋全屋裝修時連全屋喉管都已經更換，
冇理由咁化學D喉管得幾年貨仔掛；
老公和我都很懷疑，
於是攞個大電筒係客廳個窗照向廚房，
發覺係樓上單位廚房外牆水喉管漏水，
唔係我哋單位呀!
攪清楚事情後管理員就上樓上單位了解情況喇!
過咗煮飯時間添!
晚餐就求其煮餃子麵食算啦!
今日整呢碟秘撈薯仔雞翼，
係用咗母親大人買俾我嘅大孖秘撈魚蛋醬整架!
用平時用開嘅李錦記咖哩醬有少少分別，
顏色比較深，
有香料味道兼微辣；
佢叫秘撈魚蛋醬，
下次搵日用佢嚟整咖哩豬皮魚蛋先得。
今次煮呢碟欖菜肉鬆炒四季豆，
四季豆冇走油，
只用熱水灼熟四季豆先嚟炒，
咁就冇咁多油，
食得健康呀!
今晚我要返學學搓麵包，
所以噚晚專登洗多少少米，
留番D冷飯嚟炒俾老公做晚餐呀!
今午炒起時我食咗少少，
個飯咸咸香香，
都幾惹味架!
第六堂~狄準麵包&彭帕尼可粗裸麥麵包。
原本呢個兩款包係冇餡架!
亞sir知我哋心意，
所以加咗幾條蟹柳俾我哋呀!
