1月25日星期日
惠州間新屋10月開始裝修，
呢幾日終於完成喇!
今日我和老公經羅湖返惠州，
去其他地方辦完私事後，
就返屋企啦!
早餐係羅湖城食，
午餐就係惠州屋企樓下食，
晚餐唔想出街就叫外賣。
1月26日星期一
今朝食完早餐後，
我哋就去咗新屋搬遷網絡，
我哋用緊係廣東廣電服務，
之前月費70有300M，
依家月費50有200M，
對我哋嚟講幾多M冇咩影響，
因為我哋唔用佢哋wifi，
我用自己電話網絡的。
師傅嚟整咗1個半鐘，
做得好仔細，
又有耐心，
仲教我哋用新電視添呀!
整完嘢我和老公去對面商場行街和搵食，
呢度太多嘢食，
好難揀呀!
終於老公揀咗食韓餐，
睇食評D人讚不絕口添呀!
食落又真係唔錯喎!
泡菜和海帶湯任食任飲，
個拌飯又熱辣辣，
好有鍋氣，
飯焦又脆卜卜，
最緊要價錢唔貴呀!
食飽就去行walmart，
真係行到唔捨得走，
睇見D鮮肉超新鮮，
好想買嚟食呀!
walmart又多自家品牌嘅貸品，
真係好抵買架!
最後我哋買咗一大車嘢，
全部用手拎，
拎到手軟呀!
下次要買定架車仔先得喇!
買咗個新年胡蘆擺設，
等新屋有新年喜慶呀!
等姑奶嚟到之後，
我哋就去附近食晚飯，
老公經過髮型屋，
廿蚊人仔剪咗個頭髮，
咁過年竟唔便再剪喇!
今晚晚餐食客家菜，
第一次飲石橄欖排骨湯，
飲完喉嚨好舒服，
第一次食桑葉，
纖維特別多，
客家咸雞和釀苦瓜梗係好味道啦！
呢餐3餸1湯2白飯，
3個人食咗￥216。
1月27日星期三
今日我哋搵貨拉拉幫我哋搬咗D日常用品去新屋，
最重要就係張麻將枱，
哈哈，
咁我哋新年就有得開枱啦!
午餐兩餸2飯，
3個人食咗￥99，
食飽飽就搭永東巴士，
由惠州去蓮塘口岸過關返香港喇！
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!