今日買咗青衣柳，
佢肉質比較實肉，
我之前買開嘅鯰魚柳係淋身，
兩款比較下，
我鐘意食實肉嘅青衣柳喇!
今晚就用佢嚟整咗粟米燴魚柳，
平時整呢個餸要用好多油炸魚，
今次我就係咁二煎熟魚柳再用粟米蓉去燴佢，
咁呢個餸就冇咁肥膩喇!
材料: 青衣柳3塊、生粉適量、粟米蓉半盒、雞蛋1隻
醃料: 鹽、胡椒粉、生粉
做法: 魚柳解凍，用廚紙吸乾水份和切成塊狀，落醃料醃15分鐘；
燒熱油鑊，將魚柳沾上生粉煎至熟後上碟；
將粟米蓉(半盒)倒入鍋內，加半碗水煮滾落少少鹽調味後，
落埋蛋液攪勻煮個粟米蛋花汁熄火，最後將魚柳撈勻便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!