惠州3日2夜

1月14日星期三

今日我和老公齊齊返惠州，

因為新裝修嘅新屋已經完成9成9，

差大型傢俬、燃氣和網絡安裝好後，

就可以入住架喇!

食完午餐就返屋企hea下先，

食咗個果凍和瞓咗一陣，

就出街同堂弟婦和姑奶去食晚飯，

經過商場裝飾好童話，

好靚呀!

食飽飽就去商場附近嘅夜市，

因為姪媳婦係度擺檔，

緊係要去支持下啦!

不過呢個夜市唔係好熱鬧，

人流唔多場地又細，

冇以前係街邊攏檔咁旺囉!

1月15日星期四

今朝天氣好好，

同老公食完早餐￥26，

買咗盒布拉腸粉俾姑奶食，

呢盒腸粉￥5，

超大份呀!

新屋44樓真係好高，

望出去個景真係好靚呀!

我和老公食完午餐就去買床。

响新屋附近周圍行下，

竟然俾我哋買咗好多嘢食，

尤其老公至愛嘅烚熟花生，

佢會食唔停口架!

其實依家我哋住緊果度雖然唔高得15樓，

但個黃昏景都好靚架!

晚餐就近近哋係屋企樓下食火鍋，

3個人去屋企樓下打邊爐，

素菜￥5，葷菜￥10，牛肉￥15，

食品唔算豐富，

但總有啱食嘅，

每樣攞少少，

都夠食架喇!

呢餐食咗￥171，

真係超抵食。

1月16日星期五

唔想落街食早餐就叫外賣，

啱啱有張美團紅包到期，

用埋佢呢餐￥15.9，

真係抵食架!

新屋部份傢俬電器噚日進場，

而我又交咗一年管理費，

送咗十斤米俾我哋呀!

如冇意外，

十日後我哋間中就百份百完成裝修，

可以正式搬入去住架啦!

我哋食埋個午餐就準備搭永東巴士，

去蓮塘關口過關返香港啦!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page