三文魚頭豆腐肉片湯

今日滾咗呢個三文魚頭豆腐肉片湯，

大小魔怪和老公都話點解D湯得咁少，

每人都係飲咗1碗多少少，

唔夠喉呀!

我都唔知原來佢哋咁鐘意飲呢個湯，

咁我下次再滾嚟飲啦!

平時我會落埋蕃茄薯仔一齊滾，

今次我唔記得買，

所以冇落到呀!

材料: 三文魚頭1個、有機軟豆腐1盒、豬肉片適量、薑4片、

蔥粒、芫茜適量

醃料: 鹽、胡椒粉

做法: 三文魚頭解凍後，清洗乾淨去腮後，

落醃料醃半小時；豆腐切件備用；

豬肉片落少許豉油、糖和生粉醃一陣；

燒熱少少油鍋落薑、三文魚頭煎香兩面後，

落適量熱滾水放入鍋內用大火煮滾後，

落豬肉片滾15分鐘左右(全程用大火)，

加入豆腐滾多5分鐘後，落鹽和胡椒粉調味，

最後灑上蔥粒和芫茜便成。

     

 

 

 

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page