大魔怪和女朋友仔去越南玩咗6日，
佢哋話果度食嘢好平，
食成枱嘢都係百零蚊，
真係好抵呀!
佢買咗一大堆越南手信返嚟，
仲有2件越南扎肉，
今日我就用佢嚟炒咗鍋越南扎肉炒河粉呀!
材料: 乾河炒3個、越南扎肉適量、豬肉碎$10、急凍蝦仁適量、
雞蛋2隻、椰菜絲、甘筍絲
醃料(醃豬肉碎): 豉油1茶匙、鹽半茶匙、糖1半匙、生粉半茶匙、麻油少許
醃料(蝦仁): 鹽少許、胡椒粉少許、麻油少許
做法: 燒熱水加入乾河粉灼至軟身後，沖水備用；越南扎肉切絲；
豬肉碎落醃料醃15分鐘；蝦仁解凍後用廚紙索乾水份，落醃料醃15分鐘；
燒熱油鑊，落蛋炒熟後上碟；原鑊落豬肉碎和蝦仁炒熟；
再燒熱油鑊落椰菜絲、甘筍絲和越南扎肉炒勻，
加入河粉、豬肉碎、雞蛋撈勻後，落老抽、豉油和糖調味便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!