今日母親大人隻腳已經好番好多啦!
依家仲可以自己一個人落街慢慢行，
佢成日想話返自己屋企住，
睇下明天情況再決定啦!
今餐整咗佢鐘意食嘅炸蠔餅，
食到佢Lam Lam脷呀!
(條邊脆卜卜好味道呀!)
材料: 蠔仔$30、雞蛋1隻、蕃薯粉湯匙、芫茜、
水5~6湯匙(視乎粉漿杰度)、生粉適量
調味: 鹽適量、胡椒粉適量、油少許
做法: 將蠔仔倒入一碗內浸清水，用手輕輕將蠔仔洗淨後隔去水份；
加入生粉洗淨蠔仔表面(要用手指摸吓仲有冇碎蠔殼)，浸洗蠔仔備用；
燒熱水放入蠔仔灼至轉色或半熟(約30~45秒)，隔去水份後待涼備用；
先將雞蛋發勻；準備一個大碗放入蕃薯粉、水、雞蛋和調味，
攪至粉漿冇粒粒後，加入蠔仔和少少油輕輕攪拌；
燒熱鑊落多少少油，將蠔仔粉漿分5~6次落鑊，半煎炸至兩邊金黃色上碟，
配埋椒鹽或魚露點嚟食就得。
希望伯母早曰康復 ! 另外, 你的蠔餅煎得好靚呀 ! ^_^
回覆刪除母親大人已經好番，返咗自己屋企喇!
刪除