噚晚炆咗冬菇栗子雞翼，
用咗菜檔買嘅抽真空已去殼栗子粒，
好方便喎!
唔使去衣，
沖沖水就可以用嚟炆，
$12包又唔貴，
下次炆餸又或煲湯都買佢先得。
材料: 雞翼10隻、去殼栗子1包、冬菇10隻、薑3片
醃料: 豉油1湯匙、鹽1茶匙、糖1茶匙、生粉1茶匙、麻油少許
調味: 蠔油1湯匙、老抽適量、冰糖適量
做法: 雞翼解凍後用廚紙索乾水份，落醃料醃雞翼1小時；
栗子沖沖水備用；冬菇浸軟去蒂備用；
燒熱鍋落油加薑片和雞翼略煎兩面後，加栗子、冬菇和調味炆15分鐘，
最後落許生粉水埋芡汁便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!