上星期買咗1磅半金沙骨，
都唔知整咩好；
今朝攞出嚟解凍後，
最後決定整糖醋骨啦!
老公和大魔怪超鐘意食，
佢哋話酸酸甜甜好送飯呀!
材料: 金沙骨1.5磅、冰糖粒適量、紹酒1湯匙、薑4片、鎮江醋適量
調味: 豉油1.5湯匙、蠔油1湯匙、冰糖2~3粒
做法: 金沙骨解凍後，入鍋內加水、薑片和紹酒1湯匙煮滾，
出水8分鐘，取出沖水後瀝乾水份備用；
燒熱油鑊落冰糖粒煮溶，用細火慢慢煮至冰糖轉啡色後，
落金沙骨炒勻至上色，落調味和水煮滾(需要蓋過排骨)，
轉小火慢慢炆煮1小時，轉大火煮滾，落適量鎮江醋調味至收汁便成。
~炒糖色要注意火候，太大火糖色會好易燶和有苦味；
~炒糖色目的係食材上色，上碟時食物色澤更靚呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!