臨近新年，
係時候要清清雪櫃物資，
騰出空間擺過年食品呀!
今日要清嘅係金沙骨和雞翼，
簡單用叉燒醬醃咗佢用氣炸鍋整熟佢，
灑少少熟芝麻，
好味道呀!
材料: 金沙骨8件、雞翼6隻、蜜糖1湯匙、熟芝麻適量
醃料: 叉燒醬1.5湯匙、海鮮醬1湯匙、豉油1湯匙、蜜糖1湯匙
做法: 金沙骨和雞翼解凍後，用廚紙抹乾水份，落醃料醃8小時或隔日；
從雪櫃取出放室溫1小時；將金沙骨放入氣炸鍋內，
用180度氣炸15分鐘，搽蜜糖後反轉金沙骨，再氣炸10分鐘，
搽蜜糖再氣炸多2分鐘；雞翼放入氣炸鍋氣炸20分鐘，期間要反轉雞翼，
搽蜜糖再氣炸2分鐘，最後將雞翼和金沙骨灑上諒芝麻便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!