三文魚頭魚尾蕃茄薯仔豆腐湯

今晚滾三文魚頭魚尾蕃茄薯仔豆腐湯，

老公未飲已經話正；

三文魚頭魚尾响佳寶買嘅，

啱啱擺出嚟就俾我買咗，

所以話早D去買餸係有著數架!

材料: 三文魚頭半個、三文魚尾1條、蕃茄3個(大)、薯仔2個、

硬豆腐1盒、薑4片、蔥粒

醃料: 鹽、胡椒粉

做法: 三文魚頭和魚尾解凍，清洗乾淨去腮和打鱗後，

落醃料醃半小時；蕃茄界幾刀浸熱水和薯仔去皮切件；

燒熱少少油鍋落薑、三文魚頭和魚尾煎香兩面後，

落適量熱滾水放入鍋內用大火煮滾後，落蕃茄和薯仔滾30分鐘左右，

加入豆腐滾多5分鐘後，落鹽和胡椒粉調味，最後灑上蔥粒便成。

     

 

 

 

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page