噚日俾我係冰箱底搵到包蠔豉，
雪咗咁耐，
係時候要煮咗佢嚟食喇!
今日買咗隻大豬手，
叫肉檔哥哥幫我斬細件少少，
咁豬手炆出嚟會入味少少架!
大小魔怪好攪笑，
佢哋用時話今日過年咩，
點解有蠔豉食嘅???
材料: 豬手1隻、冬菇12隻、蠔豉10隻、薑10片、紹酒2湯匙
調味: 蠔油2湯匙、鮑魚汁1湯匙、豉油1.5湯匙、老抽適量、冰糖適量
做法: 冬菇和蠔豉浸軟備用；豬手洗淨後，將豬手放入鑊內，
加入薑4片、紹酒1湯匙和凍水煮滾出水10分鐘，
取出豬手沖洗乾淨，去雜毛備用；
燒熱鑊落油先將薑6片煎香，加入豬手略煎兩面後贊酒，
落冬菇、調味和水(水要蓋過豬手面)，水滾後轉小火炆1小時後，
落蠔豉炆多1小時便成。
大家可以入嚟Facebook讚下我新開嘅Fans專頁呀!
深有同感， 蠔豉連我老公都係咁認為啊。其實生活好咗， 日日食蠔豉都得啦。哈哈！！
回覆刪除哈哈，我又真係好少整蠔豉食，唔係唔鐘意，而係太多嘢食揀，未必成日記得佢呀!
刪除