自從大陸菜唔係日日落到嚟香港後，
香港D菜價貴到飛起呀!
呢兩日買咗個旺菜$22，
3條青瓜$18，
真係貴到買唔落手呀!
前日攞咗1條青瓜做手撕雞，
今日就用埋其餘兩條青瓜嚟炒雞柳呀!
材料: 青瓜2條、雞扒1塊、薑蓉、蒜蓉
醃料: 豉油1湯匙、糖1茶匙、生粉1茶匙、麻油少許、薑蓉、紹酒少許
調味: XO醬1茶匙、蠔油半湯匙、豉油半茶匙、糖半茶匙、水4湯匙
做法: 雞扒解凍後去皮切絲，落醃料醃30分鐘；
青瓜去部份皮和瓜囊後切片；燒熱油鑊先將雞絲煎至兩面8成熟後，
加入蒜蓉和青瓜快炒，落調味煮至汁濃，落埋XO醬炒勻，
最後加少許生粉水埋芡汁便成。
好正咁喎! 而家D 菜咁貴, 我食D 蘋果食D 橙算囉! haha
回覆刪除我哋習慣食菜，唔食去唔到廁所呀!
刪除