日式薯仔紅蘿蔔炆排骨

今日去豬肉檔買咗1斤排骨，

成日用蠔油炆食厭咗喇!

今次就做日式整法，

簡單又好味道呀!

材料: 排骨1斤、薯仔1個、甘筍1條、洋蔥半個、蒜蓉、紹酒少許

 

調味: 豉油2湯匙、味醂2湯匙、米酒1湯匙、冰糖碎適量、水4~5碗

 

做法: 燒熱水落排骨和紹酒出水5分鐘後撈起備用；

薯仔、甘筍和洋蔥去皮切件；

 

凍鍋落油燒熱後，加排骨略煎兩面，落蒜蓉炒勻後，加調味和水煮滾，

 

轉細火慢慢炆1小時熄火，唔好開蓋繼續焗；

飯前煮滾排骨，落薯仔、甘筍和洋蔥，炆至薯仔腍便成。

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page