咸檸檬蒸烏頭魚

小魔怪係英國咁耐，

真係好少會自己蒸條魚嚟食，

所以一返到嚟佢就話要食蒸魚，

今次買咗元朗烏頭加埋一個咸檸檬落去一齊蒸，

超級開胃啊!

話說魚檔亞姐醒多幾粒"魚扣"俾我，

我就未食過喇!

老公試咗話好腥，

小魔怪就話好爽喎!

材料: 烏頭1條、咸檸檬1個、蔥絲

做法: 烏頭洗淨後用廚紙抹乾水份；將咸檸檬切片，舖在烏頭面，

放入熱水鑊內蒸10~12分鐘，又或放入蒸焗爐內用100度蒸15分鐘；

取出烏頭魚後，將蔥絲放上烏頭面，贊上滾油和淋蒸魚豉油便成。

~蒸魚時間係視乎魚嘅大小而定的。

~按個人喜好可留下蒸魚嘅汁。

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page