蝦仁蛋炒飯

其實每次出街食飯，

我好少會叫炒飯，

因為感覺上碟飯會落好多油和鹽，

唔係好啱我嘅口味囉!

所以想食炒飯嘅話，

都係自己整好過啦!

哈哈，

講咁多費話，

咪又係俾藉口自己懶得就懶，

午餐整咗個炒飯啦喂!

材料: 冷飯(3碗)、急凍蝦仁180g、雞蛋2隻、蔥粒

醃料: 鹽少許、麻油少許、胡椒粉少許

做法: 蝦仁解凍後，用廚紙索乾水份，落醃料醃1小時；

將雞蛋發勻，燒熱油鑊倒入蛋液快炒至半熟後上碟；

原鑊落少許油加蝦仁煎至熟後，落冷飯快炒，

盡量將冷飯炒至鬆散後，落少許鹽和半湯匙豉油調味，

最後加入雞蛋和蔥粒炒至飯粒乾身便成。

  

大家可以入嚟Facebook讚下我新開嘅Fans專頁呀!
雀后(添飯)Facebook Fan Page