蝦仁菜脯粒

蝦仁菜脯粒，

我鐘意用佢嚟送粥、煎蛋和撈湯麵食就最啱啦!

不過平時街買嘅蝦仁菜脯就超多油浸住，

今次自己整，

應該健康好多啦!

不得了，

原來就咁炒香嚟食都好好食架!

材料: 菜脯半斤、蝦米5湯匙、蒜頭5粒、乾蔥1個

調味: 鹽半茶匙、糖1茶匙和麻油1.5湯匙

做法: 菜脯和蝦米浸30分鐘瀝乾水份後，將菜脯和蝦米切粒；

蒜頭和乾蔥切碎；燒熱鑊不需落油倒入菜脯快炒至乾身後上碟；

原鑊落多少少油，先爆香蝦米碎出香味後，

加入菜脯粒炒勻，落鹽和糖調味，最後加入麻油炒多數十下便成。

~我攞咗半份蝦米攪碎，其餘蝦米撈入蝦米碎中。

~可隨個人口味加入辣椒粒，辣辣哋更惹味呀!

~由於冇油浸住，所以請盡快食用，又或做手信送俾朋友仔呀!

~調味方面，可按個人口味加減鹽和糖嘅份量!

   

  

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page