惠州過年

初三、初四呢兩日，

我哋一行6人~大伯、大伯娘、姑奶、老公、大魔怪和我，

齊齊返惠州過年；

晚上好多親戚朋友都嚟嚟我屋企拜年，

仲開足2枱麻雀，

好熱鬧啊!

諗住食個早餐就去市場買嘢，

點知九成舖頭都冇開，

開咗嘅又唔合心水，

所以剩係買咗1斤半靚靚超嫩嘅菜芯返嚟，

呢度買咗9蚊呀!

至於呢樽花生油呢，

就係堂弟係過年前，

搵人親自炸咗100斤花生油，

佢俾咗10斤我哋拎返香港，

有排我哋都唔使買油囉!

沙田柚就係鄰居送的，

茶葉和姬菇就係親戚的禮物啦!

今日我哋嘅結婚23年嘅日子，

唔提老公都唔記得，

佢拿拿聲係枱面攞咗個蘋果送俾我，

仲錫咗我一啖添，

算佢啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page