簡易版蒜香雞翼

簡易版蒜香雞翼，

真係冇難度，

簡簡單單用鹽、香草、黑椒和蒜頭粒醃雞翼，

煎起嚟又幾惹味喎!

材料: 雞翼12隻、蒜頭3粒

醃料: 鹽1茶匙、雜香草1茶匙、黑椒碎半茶匙、橄欖油1茶匙

做法: 雞翼解凍後，用廚紙抹乾水份，將雞翼放入大碗內，

加入醃料和蒜頭(拍碎)撈勻，放入雪櫃雪8小時或以上；

燒熱易潔鑊落1茶匙油(唔落油都可以)，雞翼(皮向下)先煎至微微金黃，

反轉煎另一面後，再將雞翼打側兩邊煎至金黃，

重覆以上動作，直至雞翼熟透為止，其間加埋蒜頭粒煎香更好食啊!

想知雞翼熟唔熟，用叉子係雞翼背面叉一下，

雞翼容易叉穿和見冇血水流出嚟即係代表雞翼已經熟架啦!

全程用中細火慢慢煎，太大火蒜頭粒好易燶架!

   

  

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page