暑假結束了

大小魔怪明日又開始返學了。

大魔怪遲D會住宿舍，

過佢大學三年班的日子，

而小魔怪呢，

佢就要黃金海岸游艇會做實習，

希望佢哋繼續努力讀書啦!

襯今日係暑假最後一日，

開個小型party啦!

提早慶生

今日家人提早為我慶祝生日，

我哋晚上去咗沙田美林村新開嘅海港食晚飯，

叫咗一圍酒席外，

仲叫3個素菜俾大魔怪食，

一家人齊齊整整食飯最開心呀!

松發肉骨茶(新加坡)

松發肉骨茶(新加坡)，

我鐘意佢有濃濃的胡椒香味，

加咗4大粒獨子蒜和排骨一齊煲，

落少少鹽已經好夠味道啦!

日式麵包制作精選實習中班(九)

日式咖哩牛肉包&湯種桂香蘋果包，

唔使多講，

我兩款包都鐘意食呀!

茄子豆角炒榨菜木耳絲

呢兩日個肚仔唔舒服，

佢又唔係大痛，

但奄奄痛都死啦!

好彩排毒都唔係好犀利，

老公話"勿理治療"，

即係唔好理佢，

痾清哂就會好番架啦喎!

唔係嘛咁我暈囉!

噚晚炒個素小炒嚟送粥，

唔錯!

娃娃菜蝦乾粉絲雜丸煲

娃娃菜蝦乾粉絲雜丸煲，

簡簡單單一煲過攪掂哂，

除咗落咗盒裝雞湯外，

仲加埋韓國買嘅蝦乾和豬肉絲去煮個湯底，

呢啖湯都幾鮮甜呀!

工人姐姐呢幾日發燒兼腸胃炎，

足足瞓咗2日，

今日終於輪到我個肚仔唔舒服囉!

日式麵包制作精選實習中班(八)

法國硬包&虎皮包&香辣包，

夾埋塊厚切牛油一齊食，

好魔鬼呀!

素湯~合掌瓜甘筍雜豆湯

越來越愛上飲素湯，

尤其係呢個合掌瓜甘筍雜豆湯，

清得嚟就連所有材料都可以食，

一D都唔會浪費，

啖湯仲好清甜呀!

豉椒炒排骨

豉椒炒排骨，

我鐘意佢夠哂惹味之外，

而且炒出嚟個顏色好鬼靚，

哈哈，

唔食得都睇得嘛!

芝士焗鮮茄肉醬意粉

好鐘意食焗肉醬意粉，

今次仲要加埋芝士一齊焗，

呢個份量我同小魔怪兩個人食哂，

哈哈，

係咪好大食呢!!

照燒鯖魚(自製照燒汁)

噚日見百佳急凍鯖魚有特價，

即刻買咗幾條放入雪櫃；

今朝煎咗2條嚟做餸，

加埋個自製照燒汁，

Yummy yummy!

燕麥魷魚仔蒸肉餅

今日執雪櫃，

俾我摷到上次去塔門行山時買嘅魷魚仔，

打開個包裝已經聞到好香魷魚味，

即刻浸咗幾隻嚟蒸肉餅，

嘩，

超級惹味呀!

是日午餐

難得今日小魔怪陪我食午餐，

快快手整咗個冷蕎麥麵、鹽焗雞翼和蒜蓉炒韭花；

蕎麥麵和冷麵汁係沖繩買架!

好好味道呀!

南乳炆蓮藕栗子

小魔怪有好嘢食，

又點會少得大魔怪果份呢!

整咗一大鍋南乳炆蓮藕栗子，

見到佢食咗2大碗飯，

好滿足咁喎!

奶奶肺炎出院唔夠一個月，

上星期五又因膝頭水腫入咗醫院，

所以呢排大家又要頻頻撲撲囉!

家常便飯

噚日母親大人和妹妹一家嚟探我哋，

麻雀耍樂後，

我緊係要煮番家常便飯招呼佢哋啦!

開飯啦喂!

大圍~Onion Kitchen

嘩嘩嘩!

唔好講笑，

大大話話我哋真係認識咗三十幾年喇!

自中一搬咗入沙田，

日日無無聊聊，

唯有走咗落樓下青年中心玩，

咁就認識咗一大班靚仔靚女；

我哋每逢假期，

周圍去周圍玩，

就係咁就過咗我哋嘅青春階段喇!

噚晚我哋嚟個世紀相聚，

傾傾講講，

真係咩都可以講一餐呀!

約定下次約會，

記得唔好甩底呀!

(朋友開的餐廳，D嘢食真係超正，讚呀!)

芝士鮮茄洋蔥焗豬扒飯(炒飯底)

好耐冇食過焗豬扒飯，

噚日見百佳有大塊飛排豬扒賣，

即刻買咗幾塊返屋企，

焗咗個芝士鮮茄洋蔥焗豬扒飯(炒飯底)，

小魔怪見到D芝士已經流哂口水，

仲話要換個大湯碗嚟裝飯添呀!

好攪笑囉!

天水圍新北江~板長壽司

某日下午同小魔怪去食下午茶，

佢話想試下樓下商場新開的板長壽司，

每人叫咗一個下午茶餐都話唔夠，

仲要加埋其他小食，

咁就食咗$202喇!

睇番小魔怪order嘅嘢大部份都係壽司，

就知道佢係一個飯桶啦!

哈!

冬菇炆雲耳(生菜底)

冬菇炆雲耳，

一個簡簡單單嘅素菜，

加埋個生菜墊底，

好送飯架!

素湯~冬瓜粟米甘筍生熟薏米黃豆湯

今日買齊材料，

煲個清清哋嘅素湯；

呢個湯功效多蘿蘿，

飲多幾碗都唔怕呀!

冬瓜~利尿袪濕；

粟米~益脾胃、養腎氣、除煩熱、利小便；

甘筍~袪脂降壓、通便、明目、健脾、降糖消渴、抑癌抗瘤；

黃豆~防血管硬化、通便、增強免疫力；

生熟薏米~健脾胃、利小便、袪水腫。

醬燒骨

噚日買咗條靚靚有骨飛排，

叫肉佬唔好切，

等我攞番屋企成條醃佢嚟整燒排骨，

飛排肉焗完好腍，

連冇牙嘅奶奶都食到架!

鮑汁花生雞腳

前日老公先話好耐冇食過雞腳，

今日見到佳寶急凍雞腳賣3磅$10，

嘩，咁平，

老公有口福啦!

日式麵包制作精選實習中班(七)

芝麻甘筍包&富士山藍莓芝士包

亞sir教整甘筍包造型好特別，

做出嚟好似座山咁架!

加埋塊厚切牛油，

Yummy yummy!

而藍莓芝士包味道都唔錯架!

沙茶小炒皇

哈哈，

今次呢個餸係集合雪櫃剩餘物資煮成的，

翠肉瓜、三色椒、豬肉片和舞菇，

炒炒埋埋又一碟餸，

精明之餘又有好餸食囉!

2015沖繩之旅~Day5

2015年7月27日

今日係沖繩最後一日，

姐夫話要行呢間24小時二手店，

呢度衫褲鞋手袋玩具電玩書手錶小食等等，

要咩有咩，

都值得嚟尋寶架!

日式雜菜燉豬軟骨

噚晚我要返學整麵包，

所以一早炆定煲日式雜菜燉豬軟骨，

有菜又有肉，

今次仲唔食到小魔怪食到Lam Lam 脷!

2015沖繩之旅~Day4

2015年7月26日

今日沖繩密雲有風，

宜行街呀！

又係去Lawson買早餐，

轉轉口味食杯麵和午餐肉雞蛋飯糰，

口痕加多條熱狗腸，

飽哂!

出發去沖繩読谷(中部西則)。

蝦醬炸雞翼

噚日係惠州返嚟都差不多4點囉!

即刻係雪櫃攞D雞翼出嚟解凍，

醃佢一個鐘，

兼炸埋準時6點半開飯!

由於好耐冇炸過雞翼，

小魔怪話D雞翼有100分，

哈，佢都好易滿足喎!

2015沖繩之旅~Day3

2015年7月25日

今日沖繩打風，

聽朋友仔講香港新聞報導話呢個颱風好利害，

香港去沖繩飛機仲要停航添；

我哋身在沖繩感受到D風真係好大，

但只落咗少少微微雨，

夜晚返酒店睇到日本新聞先知原來吹咗上鹿兒島!

見仲未有風雨，

我哋改咗行程，

先去沖繩南部~具志川城跡和喜屋武岬。