食清D~炒素伊麵&菜乾咸鴨腎豬展粥

 

呢幾日，

 

日日食唔停，

 

係時候要食清少少啦!

 

所以今日下午煲粥和炒素伊麵，

 

簡簡單單又一餐呀!

 

 

炒素伊麵

材料: 伊麵、舞菇、金菇、甘筍、菜芯、乾蔥片

調味: 炒麵豉油皇3湯匙、豉油1.5湯匙、3湯匙水

做法: 伊麵用熱水灼軟備用；甘筍切絲；菜芯切段；

燒熱鑊(不用加油)炒舞菇和金菇至軟身，加少少鹽調味上碟；

燒熱鑊落油爆香乾蔥片，加入甘筍和菜芯快炒，

加少少鹽調味後落半碗水煮至菜熟，加入伊麵、調味炒勻後，

落金菇和舞菇拌勻便成。


菜乾咸鴨腎豬展粥


材料: 豬展$30、菜乾6棵、咸鴨腎2個、1杯米、鹽半茶匙、油半湯匙

醃料: 鹽1茶匙

做法: 豬展洗淨出水後用鹽醃醃1小時；菜乾浸軟洗淨切碎：

洗米後用鹽半茶匙和油半湯匙醃15~20分鐘；

燒熱水將豬展、咸鴨腎和菜乾先煲1小時後，

落米煲至綿後加鹽調味便成。(夠味就唔使落鹽呀!)

 

 

 

 大家可以入嚟Facebook讚下我新開嘅Fans專頁呀!

 

雀后(添飯)Facebook Fan Page