菠蘿咕嚕排骨!

 

今日打8號風球，

我家面向西南，

唔覺好大風，

只係間中落下大雨；

去到街市冷冷清清，

想買三色椒整咕嚕排骨都冇得賣，

唯有改用菠蘿啦!

 

材料: 飛排(排骨)1磅、罐頭菠蘿(細)

醃料: 豉油1湯匙、糖1茶匙、雞蛋1隻(打發好)

調味: 包裝咕嚕甜酸醬1包、菠蘿水2湯匙

做法:排骨用醃料醃半小時；菠蘿切粒；

排骨沾上薄薄粟粉後，燒熱鑊落油放入鑊中炸至熟後撈起，

放在廚紙上索油；(臨食前翻炸排骨一次， 排骨會更加脆口!)

燒熱鑊落調味煮滾熄火，加菠蘿和排骨攪勻便成。

 

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page