中意fusion菜~芝士菠菜雞肉餃子配鮮茄肉醬汁!

心靈相通，

心靈相通呀!

我好日唔買蕃茄，

點知老公又買咗4個返屋企，

咁嘅情況已經唔係第一次，

買麵包、公仔麵、生果都係一樣，

次次都撞到七彩架!

 

 

 

 

 

 

 

 

 

 

餃子材料: 餃子皮、菠菜300g、雞扒2塊、Mozzarella芝士200g

調味: 幼鹽和黑胡椒各1茶匙

鮮茄肉醬汁材料: 蕃茄3個、豬肉碎$10(用豉油糖粟粉略醃)、

茄膏2湯匙、蒜蓉

調味: 鹽1茶匙、糖適量

餃子做法: 雞扒去皮去肥膏，放入熱水烚10分鐘至熟，

待涼後將雞肉切碎並揸乾水份放入大盆內；

菠菜洗淨後，放入熱水灼一分鐘後攪起，

將菠菜切碎後揸乾水份後，

放入雞肉內，與Mozzarella芝士和調味攪勻備用；

將芝士餡包入餃子皮中，搽少許水係餃子皮邊對摺，

用叉壓平餃子邊；燒熱水加入餃子灼至翻滾約2-3分鐘左右後撈起，

淋上鮮茄肉醬汁和灑上Pasley碎便成。

鮮茄肉醬汁: 用熱水浸蕃茄3-4分鐘去皮後切碎；

肉碎用豉油糖和粟粉略醃；燒熱鑊爆香蒜蓉和肉碎，

加入茄蓉、2碗水和2湯匙茄膏，

煮至汁濃約30分鐘，加入鹽和糖調味便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page