鹽焗雞髀!

我煮餸通常會用好普通嘅材料，

全部都係家常便飯；

但只是花少少心思，

轉轉唔同烹調嘅方法，

咁就變咗唔同款式嘅餸菜o架啦!

所以同事和朋友仔都幾鐘意睇我個blog，

佢哋話因為我煮得簡單，

好多時候打開自己屋企個廚櫃，

就搵齊哂所有調味料，

方便易做喎!

嘻嘻，

其實係我想用最慳錢嘅方法，

去煮啱家人口味嘅餸菜咋，

重要係我家有兩位大食兒，

唔慳唔得呀!

材料: 雞髀4隻

醃料: 鹽焗雞粉一包、紹酒1茶匙

做法: 雞髀解凍後，用刀輕界雞髀肉幾刀(更入味)，

用醃料搽勻雞髀醃半日；預熱焗爐200度15分鐘，

用上火焗雞髀冇皮果面20分鐘，抹乾雞髀上的水份，

反轉焗有雞皮面15-20分鐘至金黃色便成。

(雞髀越乾身，焗出嚟嘅雞皮越脆呀!)

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page