吉列炸豬扒!

今日跟May姐食譜整咗呢個吉列豬扒，

超掂呀!

大魔怪一路幫手剪開D豬扒，

一路係度偷食，

睇嚟下次都係唔好叫佢哋幫手啦!

容咩易偷吓偷吓俾佢食哂o架!

材料: 梅頭豬扒4塊、麵包糠、麵粉、蛋2隻

醃料: 鹽、糖、雞粉、粟粉各一茶匙、蛋白1隻、

麻油和胡椒粉各少許

做法: 梅頭豬扒解凍，用刀背輕剁鬆豬扒兩面，

用醃料醃豬扒半天；1隻蛋和1隻蛋黃打發好備用；

按次序將豬扒沾蛋液、麵粉、蛋液和麵包糠，

燒熱油鑊，用中火炸豬扒至兩面金黃色後盛起，

再轉大火炸豬扒30秒後，用廚房紙索油上碟，

食時點沙律醬呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page