五香肉丁腸仔雜豆炒烏冬!

呢餐所用嘅食物材料，

全部都係屋企嘅存貨嚟o架!

唔使買餸，

簡簡單單又一餐呀!

 

鮮草菇雞絲燴豆腐!

 

近期物價咁高漲，  

做主婦嘅我真係要慳得就慳呀!

依家要整一個十零廿皮嘅餸，

真係難上加難囉!

不過，

今次又俾我攪掂喎!
 

美極炸雞軟骨!

 

好耐冇炸嘢食啦!

呢個小食真係越食越想食，

如果有埋杯冰凍啤酒，

咁就very good啦!

 

燒排骨!

呢個星期六，

 

係幼稚園派成績表嘅大日子；

年年呢個時候校長就最忙，

忙於睇我哋幾位老師所寫嘅評估報告，

一共有7班百幾個學生，

睇到佢眼都花呀!

而我哋老師就最驚，

驚校長睇唔哂呀!

最衰係校長會改我哋報告內容，

都唔知改成點吖嘛，

睇怕7月1日都冇得放假囉!

 

鮮草菇絲瓜雲耳魚肚杞子浸魚湯

今日我個髮形由乾旱嘅公仔麵變咗做滑滑意大利粉，

 

又由滑滑意大利粉變咗黑黑的墨魚麵，

 

全程坐足5個鐘，

 

腰骨都直埋呀!

 

攪到差不多下午5點先返到屋企，

 

又想有湯飲，

 

呢個湯係一個唔錯嘅選擇呀!

 

咖哩海鮮煲+自製薄餅!

 

 
我姐姐係新加坡出差時，

買咗D肉骨茶包和咖哩魚包俾我，

真係唔該哂呀!

我最鐘意呢個A1牌子嘅咖哩，

 

真係好鬼正o架!

 

好香好辣好好味!

白菜木耳豬肉餃!

 

颱風海馬襲港，

 

俾我有2日額外的假期，

 

雖然我只係返半日工，

 

不過唔使返工感覺係好舒服o架!

 

呢兩日早上休休閒閒的，

 

真係要搵D嘢做吓先得!

 

收到家樂牌送嘅禮品包，

 

梗係要即刻用啦!

 

今次總共包咗55隻，

 

小魔怪考完試返到嚟，

 

一口氣食咗25隻呀!

 

梅菜肉山!

 

要做好食嘅肉餅，

 

真係唔懶得o架!

 

一定要親手剁肉餅先好食，

 

今次整呢個梅菜肉山，

 

靈感取自大X活嘅火山肉蛋。

 

唔好講咁多，

 

裝定碗飯慢慢嘆先得!

 

撐枱腳~蓬萊咖哩屋!

上星期六下午，

我放咗工後，

約埋老公齊齊撐枱腳呀!

揀咗呢間係元朗安寧路嘅~蓬萊咖哩屋!

死囉!

原來我咁鐘意食印度咖哩，

唔通我前世係印度人???

我哋叫咗中辣嘅咖哩牛配飯和咖哩雞配薄餅，

加埋好好飲嘅凍咖啡和凍檸茶，

都係$90咋!

仲唔使加一添!

父親節晚餐!

 
今日下午，

我和老公去我姐姐家慶祝父親節。

點知架老爺車又擺工~冇電，

老公於是急call的士司機，

睇吓佢哋有冇過江龍，

 

幫手駁電叉電，

 

好好彩整番好，

 

俾咗$100個的士司機，

 

我哋又有車用啦!

 

今日呢餐父親節晚餐唔係我郁手，

 

全部由姐夫包辨，

 

我剩係食和打麻雀呀!

開派對!

明天是父親節，

我雀后祝天下父親，

父親節快樂呀!

今日我又偷懶唔煮飯，

叫外買家鄉雞，

一家6口(包括工人姐姐)，

竟然叫咗個~派對狂熱套餐$339:

10件家鄉雞、4件香辣脆雞、4件狂惹香燒雞、4隻蜜蜜燒雞翼、

家鄉雞皇飯、辣汁蘑菇飯、4個薯茸、4條粟米、

格格脆薯塊、5件巴辣雞翼、2盒巴辣雞粒。

例牌!

伙記，  

今日例牌係咩呀???

乾炒黑椒洋蔥豬扒意粉!

咁餐湯呢???

老細，

今日得中湯咋，

瓜粒冬菇瑤柱肉粒湯!

咁唔該同我寫個加大加大再加大嘅例牌啦!

仲要快上呀!

好肚餓呢!

 

 

蜜汁焗豬寸骨!

 

大家有冇諗過幾時攞香港政府派嘅$6000???

如期登記等收錢，

或等出年2012年4月份先登記，

遲D登記就可以攞多$200啦!

攞唔攞呢$200好呢???

 

食蟻???

 

今日整個簡單又好味嘅餸，

不過個名就有D核突啦!

螞蟻上樹!

唔知我家大小魔怪鐘唔鐘意食呢???

 

柱候支竹炆豬軟骨!

 

本來諗住炆定個豬軟骨等聽日食，

不過一路炆，

大小魔怪已經話好香，

仲話唔好等聽日先食喎!

 

 

咁唯有改改今日晚餐嘅餸，

 

打尖食咗呢個豬軟骨啦!
 

 

8分鐘~菜芯豆腐墨魚丸湯!

 

昨日工人姐姐放假，

自己又要做學生嘅成績表，

唯有係食方面懶得就懶呀!

一煲湯，

有菜、豆腐和墨魚丸，

大小魔怪話日日飲都唔錯喎!

 

 

椰汁紅豆糕!

 

同事話好想食椰汁紅豆糕，

仲話要我影低個過程俾佢睇，

拿，

睇清楚D啦!

下次輪到妳整俾我食啦!

仲未驚完呀!

朝早有隻雀仔入咗屋，

老公話飛走咗喎!

 

一路我都唔知，

 

原來隻雀仔飛咗入我房，

 

死雀仲係我條褲度開大添!

 

當佢飛番咗出廳後，

 

嚇到我成個彈起，

 

仲同大小魔怪速速逃入咗房，

 

死雀係個廳度亂飛，
 

 

老公和工人姐姐都冇哂辨法，

 

到最後我都係要同老公夾手夾腳趕佢走，

 

攪到我依家個心肝仔仲卜卜跳呀!

 

吃得苦中苦!

吃得苦中苦，

方為人上人 !

今日呢餐唔可以講係魔怪仔愛吃篇，

因為佢哋極唔鐘意食苦瓜，

但苦瓜係米飯班主嘅至愛，

所以今日應該係米飯班主愛吃篇呀!

 

 

 

青豆角午餐肉炒蛋!

 

睇見Blog友炒呢個餸，

我又記起我細細個好鐘意午餐肉呀!

只要打風落雨，

母親大人就會開罐頭送飯，

午餐肉、茄汁豆、回鍋肉等等，

所以我哋都幾鐘意打風落雨o架!

 

煎釀茄子!

 

依家到街市買餸，

真係好鬼頭痛o架!

唔係有幅射，

就係有農藥，

加埋塑化劑呢單嘢，

我哋就嚟咩都唔係食o架啦!

係呢個搵食艱難嘅日子，

俾我買到D又平又靚嘅茄子，

$4有2個，

加埋半斤魚肉($16)，

廿皮一碟餸，

妳哋話抵唔抵呢???
 

玉露雞!

 

昨晚，

 

整咗熙媽的名菜玉露雞，

連母親大人都讚好味道，

夠滑夠入味，

仲要我下次再整多次俾佢食添!

一個字形容~掂!

多謝熙媽的好介紹呀!

歡迎光臨!

今日，

祈祈BB大駕光臨寒舍，

係農曆五月初五~端午節的大日子；

我呢個做姨媽一早換定床單，

開定冷氣，

等我的小客人!

今晚晚餐有:

 

燒雞髀沙律!

 

大小魔怪下星期開始期考啦!

我近日已經不斷軟硬兼施叫佢哋溫書，

可惜佢哋都係果句:

求學不是求分數!

都係要出殺手鐧嘅時候啦~美食引誘!

拿!

食完要乖乖哋去溫書啦!

 

非一般的常餐!

 

噚日睇報紙，

話D即食麵有塑化劑，

好驚呀!

因為大小魔怪自細都鐘意食即食麵，

不過好彩係我次次煮麵都會先出水，

然後再煮湯包，

咁睇落好似健康和穩陣少少囉!

近排輪到大魔怪鐘意食印尼撈麵，

加埋我嘅精心炮製，

就成為非一般的常餐啦!

不過，

好似漏咗少少嘢，

就係一杯凍飲啦!

 

 

超超超鐘意食~椰汁馬豆糕!

 

太陽伯伯太熱情啦!

我日日下午放工時，

曬到我CC吓，

唔知係咪我有幻覺，

我見到個地有煙出o架!

咁熱，

整個甜品嘆吓先得!

XO醬帶子蝦仁豆腐!

 

工人姐姐唔知買咩嘢送咗盒百福豆腐，

係硬豆腐嚟o架!

等我摷吓我個百寶雪櫃，

睇吓有咩加落去先!

 

朱古力粒小蛋糕!

 

屋企盒朱古力粉就嚟到期，

 

一定要盡快用完佢，

 

唔係倒咗就會好嘥啦!