昨日大魔怪睇新聞報告，
知道有個客家炆豬肉嘅比賽，
見到好多高手炆到D豬腩肉好鬼正，
佢即刻話:媽咪，我好想食呀!
就係呢一句，
激發起我呢個客家新抱，
點都要識整幾道客家餸掛。
雖然唔係地道客家菜，
不過連奶奶都話炆得好入味，
老公仲話似食盆菜裡面嘅炆豬肉添!
D豬腩肉連皮炆到入口即溶，
大小魔怪每人添咗3碗飯呀!
材料: 有皮豬腩肉$50、木耳3塊、蒜頭3粒
調味: 南乳1磚(大)、柱候醬1湯匙、八角一粒、冰糖3粒(小)
做法: 將豬腩肉出水切成大粒狀；凍油落 le-creuset 24cm 湯煲，
爆香蒜頭和豬腩肉，加調味和2碗水炆1小時左右，
加埋木耳落去繼續炆多20分鐘；記得開頭要用中大火，
煲滾後改用小火呀!到食時再番滾15分鐘，如果覺得咸加少少糖調味，
調至啱自己嘅口味。
(如果用普通煲炆腩肉，水一定要過豬肉面慢慢炆2小時或豬腩肉腍為止。)
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!