近排因為喉嚨痛和咳，
所以食嘅嘢都好清，
不過身邊就有好多魔鬼引誘我呀!
凍飲、薯片、炸嘢都一律戒戒戒咗幾日，
今日破戒啦!
一口吉列豬扒
材料: 梅頭豬扒4塊、麵包糠、雞蛋2隻
醃料: 豉油、糖、粟粉和麻油
做法: 梅頭豬扒解凍後切粒狀；用醃料醃2小時；
沾雞液和麵包糠炸至金黃便成。
魚肉豆腐卜炆冬瓜
材料: 冬瓜$4、豆腐卜$6、魚肉$10、雞粉1茶匙、蒜頭和薑片
調味: 蠔油1湯匙、豉油和老抽各半湯匙、糖1茶匙、粟粉2茶匙和半碗水
做法: 將豆腐卜切開一半，把魚肉釀入豆腐卜內；冬瓜切薄片備用；
燒熱易潔鑊落少許油煎豆腐卜至金黃色後盛起備用；
爆香蒜頭和薑片，炒冬瓜數下後，加1茶匙雞粉和2碗水炆冬瓜10分鐘；
最後將豆腐卜回鑊並加入調味汁液煮至汁杰成為止。
炒菜芯
話說我今日放工後等人嚟整洗衣機時候，
無無聊聊之際，
俾我睇到呢包薯片，
食定唔食好呢???
最後我選擇......!
心中魔鬼又出現啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!