今日返到屋企，
睇番亞寶得到金牌果一幕，
好感動啊!
一個運動員所負出嘅努力俾我哋每一個人都多，
依家得到大家的肯定，
幾辛苦受訓練都係值得呀!
今晚終於有我等咗好耐嘅劉翔出場啦!
香茅雞翼做法:
材料: 雞翼2磅、蒜頭4粒、乾蔥1粒(大)、香茅一枝、
粟粉4-5湯匙、即食炸蒜蓉2茶匙
醃料: 魚露3湯匙、老抽半湯匙、糖1湯匙、紹酒半湯匙、
麻油少許、蒜蓉、乾蔥蓉和香茅碎
做法: 雞翼解凍後，用醃料醃2小時或隔夜；燒熱易潔鑊落少少油，
雞翼煎之前泊少少粟粉係雞翼面，唔好泊咁多，薄薄哋就得啦!
慢慢煎至兩面金黃色或熟，食時灑上炸蒜蓉便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!