梅酒!

呢樽梅酒，  

係舊年4月返廣州時，

嬸嬸專登浸了一大樽俾我，

超重； 

擺到今日，

老公將呢D梅酒分別入樽，

終於可以見到佢嘅真身啦!

老公唔識飲，

倒咗一大杯出嚟就咁飲，

老公話好重酒味，

飲完仲有少少醉添!

我就加幾粒冰，

慢慢品嚐，

好香，

好醇，

唔知加汽水飲得唔得呢???

齊齊飲勝，

賀我今日又完成咗個畢業禮啦!

綠豆海帶糖水!

小暑即係小暑，

一出冷氣地方，

我成身已經出哂汗，

好辛苦呀!

今日小暑，

我知道我會冇時間煲冬瓜湯，

所以昨晚已經煲定煲綠豆海帶糖水，

雪入雪櫃，

一陣攞出嚟嘆啦喂!

沙爹雞柳!

呢個星期我都好鬼忙，  

忙星期六嘅畢業禮，

今年我嘅工作又係做司儀，

我又要整理司儀稿、全場座位及聚餐嘅安排等，

晚晚都要開工做嘢，

希望今年順順利利， 

咁過多一個星期，

我就可以放暑假啦!

材料: 雞扒3塊、印尼沙爹糕1/3磚

醃料: 魚露3湯匙、老抽1湯匙、糖2茶匙、粟粉1茶匙和紹酒少許

做法: 雞扒去皮切條或塊狀，用醃料醃2小時；用易潔鑊煎熟雞塊；

用熱水開印尼沙爹糕至糊狀，

將沙爹醬淋在雞面或點沙爹醬食均可。

呢隻印尼沙爹糕好鬼香o架!

次次整沙爹，

我都係用佢o架!

之前買1包要$9，

依家加到$11啦!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page

洋蔥炒青口!

雪櫃有盒有殼青口擺係度好耐啦!

好似係上次百佳特價買o架~$19.9，

唔想開爐焗，

唯有去咗D殼，

加埋半個洋蔥一齊炒，

咁睇落份量就多少少啦!

荔枝，我鐘意呀!

今日，

同事攞咗一袋手信俾我，

原來係佢自己親手種嘅荔枝和辣椒!

辣椒隻隻手指咁大，

而荔枝係啱啱樹上摘落，

同事仲話係糯米糍嚟o架!

我諗呢度都有3-4磅呀!

未食都已經聞到好香嘅荔枝味，

一食不得了啦!

細核多汁，

好難抗拒呀!

不過唔知係咪前排食得荔枝多，

牙肉開始腫啦!

梅菜炆腩肉!

今日，

終於可以清哂惠州親戚送嘅梅菜啦!

不過雪櫃仲有好多樽醬醬未清，

明天要繼續努力清清清呀!

咖哩蘿蔔豬皮魚蛋魷魚鬚!

今日，

我同老公又去搵祈祈BB玩啦!

妹妹妹夫指定要食咖哩魚蛋魷魚，

母親大人又話要食豬皮，

咁即係又要我整呢個咖哩啦!

母親大人一路食，

一路話辣，

一路話好正呀!

祈祈BB又嚟探姨媽!

妹妹家客廳冷氣壞咗好耐，

上網訂咗部新機起碼大半個月，

都話冇工人開工，

因為要搭棚換機，

好麻煩呀!

所以每逢周六周日和假期，

佢哋一家大細都要搵地方去；

7月1日，

祈祈BB又嚟到姨媽屋企啦!

我攞哂D公仔出嚟同祈祈影相呀!

超超超可愛呀!

影完相，

我哋大人梗係打麻雀啦!

哈哈~天水圍雙煞又發威啦!

妹妹妹夫話我屋企係黑店嚟o架!

玩嘢，正，反骨!

今日，

終於開完家長會啦!

成個人輕鬆咗一半，

 

之不過仲有下星期六嘅畢業典禮喎! 

過埋就可以開開心心等多幾日放暑假啦!

今日整呢個餸，
 

一定要有時間先好整呀!

因為"反骨"都好嘥時間o架!

 

家鄉炒銀針粉+菜乾咸豬展粥!

七月一日回歸日，

唔想出街就留番係屋企啦!

都唔知食咩好，

食番D家鄉嘢啦!