呢排我好鐘意食鹿茸菇，
用嚟煲湯又或炒都好好食架!
今次就用佢嚟煮咗碟鹿茸菇炒五花腩肉喇!
我鐘意鹿茸菇脆脆嘅口感，
加埋五花腩肉，
真係好送飯架!
材料: 鹿茸菇適量、五花腩肉1條、紅椒半條、蔥段、蒜蓉
醃料: 蠔油2茶匙、豉油2茶匙、糖1茶匙、生粉1茶匙、油少許
調味: 蠔油1湯匙、老抽少許、糖半茶匙
做法: 鹿茸菇浸20分鐘後，揸乾水份備用；
五花腩肉切片後，落醃料醃30分鐘；紅椒切片；
燒熱油鑊先落五花腩肉爆香後，加入蒜蓉和鹿茸菇炒勻後，
落調味和水少許煮至肉熟或收汁後，加入紅椒和蔥段炒勻便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!