返惠州渡假去

噚日7月9日，

我和老公兩個人返咗惠州屋企，

經蓮塘口岸過關，

坐永東巴士返惠州，

再轉的士返到自己屋苑，

响樓下小店食個快餐，

涼瓜炒蛋飯￥15加豬雜湯飯￥15，

再加支冰紅茶￥5，

呢餐食咗￥35，

真係超抵呀！

係美團優選買咗D貨，

又淘咗一大堆嘢，

拎返屋企慢慢拆呀!

老公話出面太熱，

東江河果邊又開始落雨，

所以大家都瞓咗個靚午覺後，

黃昏5點半先出門，

我哋call車去惠州水東街合江樓。

合江樓係廣東六大名樓之一，

處於東江和西枝江合流處。

附近有好多美食店和小舖頭。

行咗一陣和係東江旁抖涼後，

我哋揀咗食椰子雞，

可惜冷氣唔夠，

都幾熱下，

不過D雞真係好嫩，

煲咗好耐都唔硬呀!

加埋D椰青水，

個湯超甜，

呢餐食咗￥158，

食味道!

食飽飽，

夜遊水東街真係好靚呀!

呢度仲有得遊船河，

有興趣可以玩下架!

再行遠少少就係惠州海鮮街，

呢度好多人食海鮮，

我哋好幾年冇嚟，

成條街都變哂啦!

舊地重遊後就call車返屋企啦!

今日7月10日，

瞓到自然醒真舒服，

同老公去番噚日食午飯嘅小店食早餐，

一碗牛腩河￥15、一份雞蛋肉碎腸粉￥6，

加埋1支仙津￥3（維他奶），

總共￥24。

老公睇埋場歐洲杯先返蓮塘口岸，

未出發前先去買少少零食，

呢D零食係小魔怪指定要買架!

我哋係蓮塘食埋嘢先返屋企呀!