絲瓜雞蛋肉片湯

近日胃酸倒流令我感到好唔舒服，

成日個胃都頂住頂住，

瞓覺時又有火燒心嘅感覺，

平時我都盡量唔食藥，

今日終於頂唔順，

食咗粒藥希望可以舒緩下啦!

晚餐都冇咩胃口食嘢，

所以今晚簡單煮咗個絲瓜雞蛋肉片湯，

清清哋，

有湯有肉有菜有蛋，

啱哂我呀!

材料: 絲瓜2條、雞蛋3隻、梅頭豬肉$20、杞子少許、薑3片、蔥粒

醃料: 豉油1.5茶匙、糖1茶匙、生粉1茶匙、油少許

做法: 豬肉切片後落醃料醃15分鐘；絲瓜去皮滾刀切件；

燒熱油鑊煎蛋至熟後鏟碎，加入適量熱滾水，

落薑片和豬肉片先滾5分鐘，再加入絲瓜多2分鐘，

按個人口味落胡椒粉和鹽調味，最後灑上杞子和蔥粒攪勻便成。

大家可以入嚟Facebook讚下我新開嘅Fans專頁呀!

雀后(添飯)Facebook Fan Page