唔想再食了無新意的家常菜？唔知外面的餐廳有無用地溝油？ 覺得下廚好難、好麻煩？定係，根本無時間下廚？ 無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯， 雖然平凡，卻絕對是人間美味。 平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗
噚日大暑冇煲湯，
今日就買齊材料煲冬瓜湯喇!
買咗唐排和粟米嚟煲湯，
加埋瑤柱粒，
啖湯好清甜，
真係好消暑架!
材料: 冬瓜1斤半、粟米1條、唐排2條骨、瑤柱仔1湯匙、薑3片、紹酒
做法: 唐排洗淨後，放入鑊內加水和紹酒，出水8分鐘後，洗淨備用；
冬瓜和粟米去皮切件；瑤柱仔沖沖水備用；
凍油落鍋加入排骨先煎煎兩面後，加入薑片、粟米和熱水煲滾，
轉小火慢慢煲1小時後，加入冬瓜再煲多30分鐘，
最後按個人口味落鹽調味便成。
好想飲.
妳都煲嚟飲啦!
如果大家覺得我煮嘅餸菜啱哂口味嘅話，不妨留個言，鼓勵下我啦!
好想飲.
回覆刪除妳都煲嚟飲啦!
刪除