麻辣手撕雞髀

今日端午節，

午餐煲粥食糭，

晚餐就整咗呢碟麻辣手撕雞髀，

朋友仔介紹我買嘅麻辣油，

少少麻少少辣，

唔錯架!

材料: 大雞髀1隻、水果青瓜1條、薑蓉、蒜蓉、蔥粒、

鹽焗花生粒、炒香熟芝麻適量

醃料: 鹽1.5茶匙、紹酒半湯匙

調味: 蠔油大半湯匙、豉油1湯匙、麻辣油適量、香醋適量、

糖1茶匙、麻油少許、滾油少許

做法: 雞髀解凍後，用廚紙索乾水份，係厚肉部份界幾刀，落醃料醃半日；

青瓜切絲備用；取出大碗加入薑蓉、蒜蓉、蔥粒和調味攪勻備用；

從雪櫃取出雞髀放室溫1小時，放入熱水鑊內蒸25分鐘，待涼拆絲；

將雞絲、青瓜絲和調味攪勻上碟，灑上鹽焗花生粒和炒香熟芝麻便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page