第一次用空氣炸鍋嚟焗全雞，
專登揀咗隻中小型的冰鮮雞嚟做，
咁就易D放入空氣炸鍋內啦!
醃料: 鹽2.5茶匙、薑汁1湯匙(連磨出嘅薑蓉)、紹酒1湯匙、老抽少許
做法: 雞洗淨去頭和腳後用廚紙索乾水份，將雞胸骨用手向下壓扁，
然後落醃料和蒜蓉搽勻雞身內外，放入雪櫃雪8小時或隔夜；
從雪櫃取出雞放室溫1小時，除去雞身薑蓉和蒜蓉，
放入空氣炸鍋內用180焗雞背20分鐘，取出雞反轉焗雞胸位置多25分鐘，
中途可取出觀察雞身顏色，夠色就係雞面舖上錫紙，以免焗燶；
~壓雞胸嘅目的係唔想隻雞太近空氣炸鍋頂部發熱線，
唔係就會好易燶但又唔熟嘅情況出現呀!
~想知隻雞熟唔熟，用筷子叉一叉個雞髀位，
拮得入和冇血水湧出就即係熟啦!
~舖錫紙都要好小心，包穩隻雞，唔好俾錫紙接觸到發燒線而產生危險。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!