冬菇節瓜炆支竹

今日為咗清咗支素蠔油，

所以買咗2個節瓜嚟炆冬菇支竹俾大魔怪做晚餐；

為咗用得唔好嘥，

我鐘意將樽內所剩冇幾嘅蠔油，

用水"浪"乾淨佢倒埋出嚟炆餸，

所以今餐呢鍋冬菇節瓜炆支竹特別惹味呀!

材料: 節瓜2個、小冬菇適量、支竹1.5條(冇炸)、薑1片

醃料: 素蠔油1湯匙、豉油1茶匙、糖2茶匙、老抽少許

做法: 冬菇浸軟去蒂切絲；支竹浸軟切段；節瓜去皮切件；

燒熱油鑊落薑片和冬菇先爆香，加入節瓜和支竹炒勻後，

加入調味和1.5碗水炆至節瓜和支竹腍身後，加少許生粉水埋芡汁便成。

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page