素炒蓮藕豆乾

大魔怪好鐘意食蓮藕，

用蓮藕煲湯或炒菜佢都會食到唔停得口；

今餐就煮咗碟素炒蓮藕豆乾，

簡簡單單又好味道，

我加咗少少辣豆瓣醬落去一齊炒，

特別惹味架!

材料: 蓮藕1節、豆腐乾5塊、麻油少許、生粉水(如需要)

調味: 素蠔油1湯匙、豉油半湯匙、辣豆瓣醬1茶匙、糖1茶匙、水6湯匙

做法: 蓮藕去皮切片；豆腐乾切片；

燒熱油鑊略煎豆腐乾兩面，加入蓮藕片炒勻後，落調味煮至汁濃，

如需要可加生粉水埋芡汁，最後灑少許麻油撈勻便成。

~如果炒肉類時，我都幾常用上面嘅調味料，不過蠔油就落番普通蠔油喇!

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page