氣炸鍋回歸~泰式辣雞翼

自從係泰國買咗呢包辣雞翼粉返香港之後，

就對呢個辣雞翼味道食上癮了；

正好屋苑商場內印尼舖頭有得賣，

拿拿臨買咗包嚟醃雞翼呀!

材料: 雞全翼5隻、蕃薯粉3~4湯匙

醃料: 泰式香辣雞翼粉2.5湯匙、水1湯匙

做法: 雞全翼解凍後切件，用廚紙索乾水份，落醃料醃2小時；

從雪櫃取出雞膇放室溫1小時；將雞翼逐一沾上蕃薯粉後靜待1~2分鐘，

將雞翼放入空氣炸鍋內用，噴少少油係雞翼面，

用200度氣炸10分鐘，反轉雞翼再噴油，氣炸多10分鐘便成；

又或燒熱油鑊，放雞翼半煎炸至淺金黃色後撈起(全程用中小火)，

再燒熱油鑊(大火)，將雞翼回鑊炸多一次，咁雞翼就會更加脆口架啦!

~呢包辣雞翼調味粉係專買印尼和泰國食品嘅舖頭買架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page