XO醬粉絲蝦煲

噚日小魔怪話想要食海鮮，

仲好豪咁俾咗我$50添；

其實我想話俾佢知，

$50唔係買得好多隻蝦咋喎!

不過到最後我都冇收佢錢，

佢想食咩講聲就得，

兩仔乸唔係下下講錢失感情呀!

材料: 蝦16隻、粉絲適量、清雞湯200ml、XO醬適量、蔥粒、蒜蓉

調味: 蠔油2茶匙、老抽1茶匙、鹽少許、糖1茶匙、麻油少許、胡椒粉適量

做法: 蝦去頭(眼位)去鬚挑蝦腸，洗淨後用廚紙索乾水份；粉絲浸軟備用；

燒熱鍋落油，放蝦入鍋內煎至蝦兩面轉色後撈起；

原鍋加少少油落XO醬和蒜蓉爆香，加入清雞湯和調味煮滾後，

落粉絲和蝦煮至差不多收9成汁，

熄火後灑上蔥粒焗1分鐘後便成。

~煎完蝦唔好洗個鍋，因為鍋內有大量蝦膏油，煮粉絲時索哂D蝦膏汁，

所以特別惹味架!

~粉絲我係用雜貨舖買嘅散裝粉絲，我鐘意佢哋係100%綠豆造外，

食落仲特別爽口添架!

~調味方面，唔食得太咸嘅朋友，可以係落蠔油和鹽份量慢慢調節，

調到啱自己口味呀!

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page