黑椒洋蔥豬扒(自製黑椒汁)

今日端午節，

中午係咁二食隻糭算過咗節啦!

晚餐就簡單煮咗碟黑椒洋蔥豬扒，

個黑椒汁較得啱啱好，

撈飯至正呀!

材料: 梅頭豬扒3件、洋蔥1個、蒜蓉、生粉水

醃料: 豉油1湯匙、糖1茶匙、生粉1茶匙、麻油少許

調味: 蠔油1.5湯匙、豉油大半湯匙、老抽1湯匙、糖半茶匙、

黑椒碎適量、水大半碗

做法: 梅頭豬扒解凍後，用刀背略剁兩面後切件，落醃料醃1小時；

洋蔥去皮切絲；燒熱鑊落油將豬扒至8成熟盛起備用；

落油爆香蒜蓉和洋蔥，加入豬扒和調味煮至汁濃後，

落生粉水埋芡汁便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page