節瓜咸蛋肉片瑤柱粒湯

每年包糭，

我都係買新鮮咸蛋包的，

隻咸蛋黃用嚟包糭，

咁D咸蛋白用嚟做咩好呢???

我會留起幾隻咸蛋白用嚟滾湯，

節瓜咸蛋肉片瑤柱粒湯，

簡單又好味道呀!

材料: 節瓜2個、豬肉$20、瑤柱粒廿粒、薑2片、咸蛋白適量

醃料: 豉油1茶匙、糖少許、生粉少許、麻油少許

做法: 豬肉切片後落醃料醃15分鐘；節瓜去皮切片；瑤柱粒略浸一陣；

燒熱6碗水加入薑片、瑤柱粒和豬肉片煮滾後，轉小火慢慢滾15分鐘，

加入節瓜滾多10分鐘後，落埋咸蛋白攪勻便成。

~因為落咗咸蛋白已經夠咸味，所以唔使落鹽呀!

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page