星期六，
姑奶、老公和我3個人齊齊返惠州，
簡簡單單食過午餐後(68人民幣)，
襯有陽光，
緊係要攞D被出嚟曬下太陽啦!
晚餐食咩好，
太熱我哋緊係唔會煮飯啦!
叫埋親朋好友一齊出街食飯，
9大3細，
食咗298人民幣，
好抵食呀!
今年荔枝失收，
買咗一袋仔試下，
食少少當食過就算囉!
昨日星期日，
我哋又去市場附近食早餐，
買咗少少手信就諗住返香港，
點知原來堂細妹和當弟婦都唔使返工，
老公心思思想打麻雀，
見大家咁高興，
一於住多晚先走囉!
快子架、掛勾、帆針、粗線、鑼絲批、黑色膠布和記事簿仔，
每件都係2蚊人民幣咋!
星期日午餐係堂弟婦家食的，
由於中午準備太多餸菜，
所以連晚餐都係要打攪佢囉!
點解今日先走，
有部份係因為貪玩打麻雀外，
亦因今日高考放榜，
姪女和姨甥女都係重考生，
今年兩個成績都有進步，
不過有人歡喜有人愁，
盡力就得，
可能有更好出路等待大家呢!
大家可以入嚟Facebook讚下我新開嘅Fans專頁呀!
有屋係處，住多兩晚都冇所謂。
回覆刪除咁又係，依家老公退休，幾時返去都得啦!
刪除自己地方，住幾耐都得啦，唔使急。在大陸可以食到新鮮野。
回覆刪除老公鐘意多人熱鬧架，所以有親朋好友在特別開心，玩到唔捨得走呀!
刪除D野咁抵食，玩多幾日先走啦！
回覆刪除我哋專食平嘢，食地道家鄉菜就最啱我哋口味喇!
刪除