咸菜肉絲

今日炒呢碟咸菜肉絲，

用嚟送粥、送飯或煮麵食就最啱喇!

最最最重要係加咗隻辣椒仔落去，

夠哂惹味呀!

材料: 咸酸菜1包、梅頭瘦肉$15、蒜蓉、辣椒仔1隻

醃料: 豉油1湯匙、鹽少許、糖1茶匙、生粉1茶匙、麻油少許

調味: 蠔油半湯匙、水2湯匙

做法: 梅頭豬肉切絲落醃料醃1小時；辣椒仔切粒(怕辣可去籽)；

咸菜浸15分鐘後瀝乾水份後切絲，不需加油落鑊快炒至乾身，

加1茶匙糖炒勻後，落少許麻油炒香後上碟；

燒熱油鑊落蒜蓉，加豬肉絲炒至8成熟，落咸菜和辣椒仔，

落埋調味煮至汁濃便成。

~咸酸菜，我揀咗較淡口的，食落冇咁咸呀!

 

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page