3月7日(星期三)
酒店早餐其實都有6款揀架!
不過睇來睇去都食有肉食嘅啱我多D囉!
Anita真係醒目喇，
佢係網上睇到呢個網站~Japanican.com
搵到買sunq 3 day pass有優惠，
每張平2000yen架!
Anita真係抵錫呀!
今日就用sunq pass 搭長途巴士去湯布院由布院喇!
提提大家，
去湯布院由布院一定要預早上網book定車票，
因為都幾多人去架!
坐咗2個幾鐘頭車，
終於嚟到湯布院由布院喇!
我哋第一時間去咗買B Speak蛋糕，
其實我哋都蠢咗，
唔使咁早買都得，
等回程時買都唔遲呀!
買完蛋糕，
就去番車站附近嘅由布まぶし 心食釜飯呀，
排隊嘅人龍好多，
但聽到要等2個鐘頭，
個個都掉頭走啦!
所以我哋等咗唔使20分鐘就位啦!
3款食物提供，
豐後牛、鰻魚和雞，
仲有著3種唔同食法，
1食~原有嘅味道，
2食~加漬物攪勻一齊食，
3食~加湯食。
見個煲底食得夠哂清，
就知呢餐飯幾咁好食啦!
食鬼咁飽，
我哋就開始行金鱗湖啦!
其實真正金鱗湖唔係好大，
行一個圈都唔係15分鐘，
但未入到金鱗湖兩旁嘅商店就真係幾吸引啦!
我哋搭5點車離開湯布院由布院，
返到天神都差不多7點半喇!
落咗車就入咗去三越嘅超市和免稅店行下。
齋睇冇買嘢，
晚餐又係食拉麵，
今次我哋揀咗食一風堂，
總共食咗3餐拉麵，
我個人覺得呢間拉麵最好食呀!
但個餃子就唔夠第一日食果間拉麵好食喇!
返酒店途中，
見到好多人係屋台前排隊等食，
其實我都好想試下架，
不過呢D位咁逼，
我驚唔夠我坐囉!
哈哈!
返酒店食埋個B Speak蛋糕，
好飽，
好滿足啊!
大家可以入嚟Facebook讚下我新開嘅Fans專頁呀!
日本拉麵好食過香港好多。
回覆刪除係日本，求其去一間食拉麵都好好食呀！
刪除其實要多謝在網絡分享的人，無私的奉獻，我哋先可以買到平車票和plan 行程。
回覆刪除真係要好好講聲多謝哂佢哋呀！
刪除我都認同, 網上有D人自私唔想無私分享. 而有D要分享則有佢嘅暗藏目的, 變相就唔係無私分享, 我最近先遇上一個! 同先俾佢鬧,我真係嬲到爆!
回覆刪除其實有好嘢，緊係要同大家分享啦！
刪除我上次係D屋台食麵，見到電視劇情節，一個老板已然飲到醉醉到帶住個小姐黎食D野，跟住去搞搞震，果個情景好熟悉啊~
回覆刪除哈哈，咁攪嘢！
刪除