日式炒烏冬

好似好耐冇post食譜咁，

不過呢其實我好勤力，

日日都有煮飯，

絕對冇偷懶架!

就好似呢餐煮咗碟日式炒烏冬，

雖然睇落好簡單，

但我都好俾心機煮架!

材料: 烏冬3個、蝦仁10隻、蟹柳6條、魚蛋卷10粒、嗚門卷半條、

椰菜1/4個、甘筍半條

調味: 豉油1湯匙、味醂1湯匙、糖少許、老抽少許

做法: 蝦仁解凍，落少許胡椒粉、鹽和麻油調味；

椰菜切片，甘筍切絲；魚蛋卷切半；嗚門卷切片；蟹柳切粒；

燒熱油鑊落蝦仁煎至兩面熟後上碟；

原鑊落椰菜和甘筍絲快炒，加入魚蛋卷、嗚門卷、烏冬和3~4湯匙水，

煮至烏冬軟身後，落蝦仁、蟹柳粒和調味炒勻至乾身便成。

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page