2018日本九州福岡之旅~第三日

3月6日(星期二)

其實我哋住果間酒店位置都唔錯架!

附近有大丸和三越百貨公司，

行10分鐘左右就到西鐵站和長途車站，

真係去邊都咁方便呀!

襯今日天色唔錯，

我哋就去太宰府、柳川遊覽下；

去西鐵站買咗張遊太宰府和柳川嘅套票，

仲包一程遊柳川嘅船票添!

去到太宰府門口已經影相影不停，

仲有條購物街又多嘢睇又多嘢食，

係呢度都留咗2個幾鐘呀!

新增說明文字

趕呀趕又坐西鐵去柳川，

落車就搭免費車去遊船河喇!

唔講都唔知原來呢程船河要坐成1個鐘頭，

船夫叔叔一路撐船，

一路講解，

雖然全程講日文，

但睇佢嘅面部表情和努力係咁撐船，

真係要俾個讚佢呀!

坐完呢程船都已經成3點幾，

超級肚餓呀!

上網睇都幾多人讚呢間蒸鰻魚飯好食，

唔食過都唔知，

一食先知係好嘢嚟架!

食完唔知係午餐定下午茶嘅蒸鰻魚飯後，

就走咗入呢間民營超市shopping，

點知我哋miss咗最後一班免費車去柳川車站(5點)，

所以就搭咗程的士去車站，

搭咗1200yen都唔係貴吖!

落咗車又去三越shopping，

放抵哂D戰利品又出動搵食，

其實已經成10點喇!

應該係宵夜嘅晚餐，

我哋揀咗食一蘭拉麵，

原因係為咗呢個方形碗囉!

話係元祖店先有架!

唔識路點算???

我哋唯有靠哥哥(即係手機google地圖)，

搵咗成個鐘先搵到佢呀!

(其實係我哋搵錯咗另一間咋!)

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page